» राष्ट्रिय वाणिज्य बैंकले ३ वर्षभित्रैमा खुवाउँदैछ तीन हजारलाई जागिर १४८ जनाका लागि बैशाखभित्रै खुल्दैछ विज्ञापन

प्रकाशित मिति: 6:51:59 am, March 22, 2015


काठमाडौं,चैत ८ – सरकारी स्वामित्वको बैंकमा जागिर खाने रहर छ ? छ भने तयारी थाल्नुहोस् । सरकारी स्वामित्वको राष्ट्रिय वाणिज्य बैंकले तीन वर्षसम्म हरेक वर्ष तीनसय जनाभन्दा बढी नयाँ कर्मचारी भर्ना गर्दै छ ।

बैंकले १२ कक्षा र स्नातकोत्तर पास गरेका व्यक्ति थप गर्दै छ । आगमी बैशाखसम्ममै १ सय ४८ जनाका लागि जागिर खुल्दै छ । नयाँ खुल्न लागेको जागिरमा १२ कक्षा उत्तीर्ण गरेकाले प्रतिष्पर्धा र्ग पाउने सहायक स्तरका लागि ७३ जना र स्नातकोत्तर पास गरेका व्यक्तिले प्रतिष्पर्धा गर्न पाउने अधिकृत स्तरमा ७५ जनाले अवसर पाउने बैंकका प्रमुख कार्यकारी अधिकृत कृष्णप्रसाद शर्माले जानकारी दिए ।
‘आउँदोसम्ममा सहायक र अधिकृत गरी १ सय ४८ जना नयाँ कर्मचारी भर्ना गर्दैछौं ,त्यसपछि तीन वर्षसम्म प्रत्येक वर्ष ३ सयभन्दा बढी कर्मचारी भर्ना गर्ने कार्यक्रम बनाइएको छ,’ प्रमुख कार्यकारी अधिकृत शर्माले भने । बैंकले सहायकस्तरका कर्मचारीलाई जिल्लास्तरमा र अधिकृतलाई क्षेत्रीयस्तरमा भर्ना गर्ने योजना बनाएको छ ।
बैंकले क्षेत्रीय स्तरमा परीक्षा सञ्चालन गरेर कर्मचारी भर्ना गर्ने योजना बनाएको छ । यस्तो परीक्षामा सहायक र अधिकृत दुवै स्तरका कर्मचारी सहभागी हुन पाउनेछन् । आजको राजधानी दैनिकमा खबर छ ।

0 comments

प्रतिक्रिया दिनुश

Facebook