अस्ट्रेलिया पुग्यो नेपथ्य
२०७१ चैत्र १९ बिहीवार
काठमाडौं : सांगीतिक समूह नेपथ्य करिब एकमहिने यात्राको क्रममा बुधबार अस्ट्रेलिया पुगेको छ। पर्थस्थित एचबीएफ स्टेडियममा शनिबार कन्सर्ट प्रस्तुत गर्दै नेपथ्यले आफ्नो सांगीतिक यात्राको आरम्भ गर्दैछ।
यसै महिना नेपालगन्ज र भारतको बैंगलोरमा प्रस्तुति दिएको नेपथ्यको दसौं एल्बम सार्वजनिक हुने तयारीमा छ।
तीन वर्षअघि पनि नेपथ्यले अस्ट्रेलियामा कन्सर्ट आयोजना गरेको थियो। अध्ययन र कामको सिलसिलामा धेरै नेपाली अस्ट्रेलियामा रहेका छन्।
घर र समाजबाट टाढा पुगेका नेपाली दाजुभाइलाई स्वदेशको सम्झनारूपी गीत बाँड्ने अवसर मिलेकामा उत्साहित भएको नेपथ्यका गायक अमृत गुरुङले बताए।
0 comments
प्रतिक्रिया दिनुश
Facebook