आज को राशीफल २०७२ साल साउन ८ गते
वि.सं.२०७२ साल साउन ८ गते। शुक्रबार।
इश्वी सन् २०१५ जुलाई २४ तारिख। शकसंवत् १९३७।
कीलक संवत्सर। दक्षिणायन। वर्षा ऋतु।
नेपाल संवत् ११३५ दिल्लाथ्व। आषाढ शुक्लपक्ष।
तिथि– अष्टमी, साँझ ६:३१ बजेउप्रान्त नवमी।
नक्षत्र– चित्रा प्रात: ६:३५ बजेदेखि स्वाती।
योग– साध्य, रात्रि १:२६ बजेउप्रान्त शुभ।
करण– भद्रा, प्रात: ५:४६ बजेदेखि वव, साँझ ६:३१ बजेउप्रान्त वालव।
आनन्दादिमा मुसल योग। चन्द्रराशि– तुला।
काठमाडौंमा सूर्योदय– ५:२३ बजे, सूर्यास्त– ६:५६ बजे र दिनमान ३३ घडी ५३ पला।
अष्टमी व्रत, गोरखकाली पूजा।
मेष (चु, चे, चो, ला, लि, लु, ले, लो, अ) Aries :
सुखदुःखमा साथ दिनेहरू प्रशस्तै भेटिनेछन्। कामको चाप र थकाइबाट मुक्त रही विश्राम पाइनेछ। परिवारजनको साथले नयाँ आशा पलाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। विभिन्न सहयोग र उपहार पाइनेछ। आयआर्जन पनि राम्रै हुनेछ। अतिथिका रूपमा सम्मान पाइने समय छ। रमाइलो यात्रा गर्ने अवसर जुट्नेछ।
वृष (इ, उ, ए, ओ, वा, वि, वु, वे, वो) Taurus :
प्रयत्न गर्दा मौकाको फाइदा लिन सकिनेछ। यात्रामा विशेष लाभ होला। शत्रु र रोगबाट छुटकारा मिल्ने समय छ। मुद्दा–मामिलामा पनि विजयी भइनेछ। व्यापार तथा उद्योगतर्फ राम्रै फाइदाको योग छ। अधिकारका लागि केही संघर्ष पनि हुन सक्छ। प्रतिस्पर्धीहरूले अप्ठ्यारोमा पार्ने प्रयास गर्नेछन्। परिस्थितिले अरूको हातमा गइसकेको धनसमेत फिर्ता दिलाउनेछ।
मिथुन (का, कि, कु, घ, ङ, छ, के, को, हा) Taurus :
अस्वस्थताले काममा ढिलासुस्ती हुन सक्छ। अप्रिय समाचारले दु:खी बनाउला। पढाइलेखाइमा पनि प्रगति गर्न नसकिने र व्यापार व्यवसायमा समेत सोचेको फाइदा नउठ्ने समय छ। नयाँ योजना कार्यान्वयनमा ल्याउन मुस्किल पर्ला। आफूलाई कमजोर भएको अनुभूति हुनेछ। निराश नहुनुहोस्, केही समय पर्खंदा स्थितिमा सुधार आई अवश्यै उन्नति हुनेछ।
कर्कट(हि, हु, हे, हो, डा, डि, डु, डे, डो) Cancer :
परिस्थितिअनुसार चल्न नसक्ता अलि दु:ख पाइनेछ। पहिलेका गल्तीले परिवारजनमा असमझदारी बढ्न सक्छ। महत्वाकांक्षी योजना गोप्य राख्नुहोला। वचन दिने बानीले अप्ठ्यारोमा परिनेछ। काममा आफन्तको सहयोग जुटाउने प्रयत्न गर्नुहोला। मातृशक्तिको माध्यमबाट लाभ उठाउन सकिनेछ। पशुधन र जमिनबाट पनि सामान्य लाभ मिल्ने समय छ।
सिंह (मा, मि, मु, मे, मो, टा, टि, टु, टे) Leo :
नयाँ काम सुरु गर्ने समय छ। व्यापारमा मनग्य धनलाभ हुनेछ। साथीभाइले पनि राम्रै सहयोग जुटाउनेछन्। विशेषगरी नयाँ उद्योग वा रचनात्मक काममा जुट्ने समय छ। परिश्रमअनुसार उपलब्धि पनि राम्रै पाइएला। रोकिएका काम पुनः सुरु हुन सक्छन्। कृषिक्षेत्रमा भने अलि बढी परिश्रम र लगानी गर्नुपर्ला। परिवारजनका आकांक्षा पूरा गर्न सकिनेछ।
कन्या (टो, पा, पि, पु, ष, ण, ठ, पे, पो) Virgo :
विभिन्न अवसरले पछ्याउनेछन्। बोलीको प्रभाव पनि बढ्नेछ। ठीक समयमा सही निर्णय लिन सकिनेछ। कार्यसम्पादन गर्ने क्षमता बढ्नेछ। तापनि, केही अवसर फुत्कने सम्भावना देखिन्छ, सचेत रहनुहोला। दीर्घकालीन रूपमा फाइदा हुने काममा हात हाल्ने समय छ। तार्किक क्षमता बढ्नेछ। विशेष सभा–समारोहमा भाग लिने मौका छ। मानसम्मान पाइनेछ।
तुला (रा, रि, रु, रे, रो, ता, ति, तु, ते) Libra :
प्रतिष्ठित काम गर्ने मौका छ। आत्म–विश्वास बढ्नेछ। विशिष्ट व्यक्तित्वसँग भेटघाट हुनेछ। पारिवारिक जमघटमा मन रमाउनेछ। आकर्षक पहिरन र व्यक्तित्वले अरूको मन लोभ्याउन सकिनेछ। स्वादिष्ट भोजनको आनन्द समेत पाइएला। कामबाट फुर्सद मिल्नेछ। सहयोगीहररूले जुट्नाले उत्साहित भइनेछ। रोकिएका काम सम्पादन हुने र नयाँ काम पाइने योग छ।
वृश्चिक (तो, ना, नि, नु, ने, नो, या, यि, यु) Scorpio :
फाइदाका पछि लाग्दा छर–छिमेकमा भने असमझदारी बढ्न सक्छ। काममा लगानीको समय छ। विदेश भ्रमणका लागि गरिएको प्रयत्न सफल हुन सक्छ। वैदेशिक क्षेत्रबाट लाभ लिने मौका छ। घरखर्चको मात्रा बढ्नेछ। समयमा होस नपुग्नाले केही चुनौती झेल्नुपर्ला। बनिसकेको काम बिग्रन सक्छ, सचेत रहनुहोस्। होसियारीसाथ काम लिनुपर्ने समय छ।
धनु (ये, यो, भा, भि, भु, धा, फा, ढा, भे) Sagittarius :
आम्दानी राम्रै भए पनि आर्थिक समस्या परिरहन सक्छ। खर्च लागे पनि दिगो फाइदा हुने काम प्रारम्भ गर्ने अवसर जुट्नेछ। प्रतिफल तत्काल नपाइए पनि संकेत राम्रै पाइनेछ। हराएको वस्तु पुन: लाभ हुन सक्छ। गहिरो अध्ययन तथा अनुसन्धानबाट ज्ञानको दायरा बढाउने समय छ। केही अप्ठ्यारा परिस्थितिसँग सम्झौता गर्नुपरे पनि चुनौतीहरूलाई पन्छाउन सकिनेछ।
मकर (भो,जा,जि,जु,जे,जो,ख,खि,खु,खे,खो,गा,गि) Capricorn :
कामको सन्दर्भमा रमाइला व्यक्तित्वहरूसँग मित्रता बढ्नेछ। कला, साहित्य, मनोरञ्जन आदि क्षेत्रमा रुचि बढ्नेछ। व्यापार–व्यवसायमा लाग्नेहरूलाई विशेष फाइदा होला। रुचिका विषयमा लगानी बढाउने समय छ। विभिन्न अवसरले पछ्याउनेछन्। तत्काल ठूलो फाइदा उठाउन नसकिए पनि भविष्यका लागि विशेष काममा जग बसाउने अवसर प्राप्त हुनेछ।
कुम्भ (गु, गे, गो, सा, सि, सु, से, सो, दा) Aquarius :
आस मारेको काम बन्नाले उत्साह जाग्नेछ। एउटै कामबाट दोहोरो लाभ मिल्नेछ। विशेष योजनाहरू बन्नेछन्। समुदायको हितमा राम्रै काम गर्न सकिनेछ। सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ। तर केही बाध्यतापूर्ण काममा समय बित्नेछ। सहयोगको आशा देखाउनेहरूले झुक्याउन सक्छन्, सचेत रहनुहोला।
मीन (दि, दु, थ, झ, ञ, दे, दो, चा, चि) Pisces :
आजको प्रयत्न निष्फल जस्तै होला। काम बिग्रने भयले सताउला। लगानी, दौडधुप, श्रम र प्रयत्नको उचित मूल्य नपाइने समय छ। न्यून उपलब्धिमा चित्त बुझाउनुपर्ने समय छ। नयाँ काममा हात हाल्न केही समय पर्खंदा राम्रो हुनेछ। गरी आएको कामलाई भने निरन्तरता दिन सकिनेछ। आश्वासन दिएर झुक्याउनेहरूले सताउनेछन्, सचेत रहनुहोला।
0 comments
प्रतिक्रिया दिनुश
Facebook