प्रियंका कार्कीबाट ‘समर लभ’ को अंग्रेजी संस्करण विमोचित
युवापुस्तामा चर्चित उपन्यास ‘समर लभ’ को अंग्रेजी संस्करण पनि विमोचन भएको छ । शनिबार पोखरास्थित ब्यञ्जन ग्रिल एण्ड बारमा अभिनेत्री प्रियंका कार्कीले प्रतिमा शर्माद्वारा अनुदित उपन्यासको बिमोचन गरिन् ।
बिमोचन समारोहमा बोल्दै अभिनेत्री कार्कीले नेपालीहरुले पनि पढ्न थालेछन् जस्तो लाग्न थालेको अनुभव साट्दै समर लभको अंग्रेजी संस्करण पढ्दा अनुवादित नभई मौलिक अंग्रेजी भाषामा नै लेखिएको जस्तो लागेको टिप्पणी गरिन् ।
त्यस्तै, उपन्यासकार सुविन भट्टराईले अनुवादक शर्माको प्रशंसा गर्दै नेपाली पुस्तकहरु अनुवाद हुँदा प्रायः भाषा मात्र अनुवाद हुने तर, समर लभमा भने भावसमेत अनुवाद गरिएकाले नेपाली पढ्दा पाइने मिठास अंग्रेजीमा पनि पाइने दावी गरे ।
यसैबीच, प्रकाशक अजित बरालले नेपाली साहित्यको स्तरबृद्धि गर्न अन्य भाषामा लेखिएका राम्रा पुस्तकलाई नेपालीमा र नेपालीमा लेखिएका राम्रा पुस्तकलाई अंग्रेजीमा अनुवाद गरिनुपर्ने बिचार राखे ।
लेखक भट्टराईको पछिल्लो कृति ‘मनसुन’ सार्वजनिक हुने तरखरमा छ ।
0 comments
प्रतिक्रिया दिनुश
Facebook