२०७१ चैत ६ गते २०:१२ मा प्रकाशित
India-Vs-Bangladesh

विश्वकपको क्वार्टरफाइनलमा भारतले बंगलादेशलाई हराएपछि सुरु भएको विवादमा अन्तराष्ट्रिय क्रिकेट काउन्सिल आइसीसीका अध्यक्ष मुस्तफा कमालले राजीनाको धम्की दिएका छन् ।

उनले म्याचमा फिक्सङको आरोप लगाएका छन् । बिहीबारको खेलपछि मेलबर्नमा बंगलादेशी पत्रकारहरुसँग कुरा गर्दै कमालले आइसीसीको आगामी बैठकमा कुरा उठाउने बताए ।

खेलका क्रममा अम्पायरले गरेको निर्णय पूर्व निर्धारित भएको उनले बताएको एएफपीले जनाएको छ । उनले बंगलादेशी टीभीसँगको कुराकानीमा उनले भनेका छन्-‘आइसीसी अध्यक्षका रुपमा जे भन्नु पर्ने हो आगामी बैठकमा भन्छु । यो पनि हुनसक्छ कि म राजीनामा दिन्छु ।’

अम्पायरले राम्रो निर्णय नगरेको कमालको आरोप छ । दोस्रो क्वार्टरफाइनलमा भारतले बंगलादेशलाई १०९ रनको फराकिलो जित हात पारेको थियो । भारतको जितमा रोहित शर्माले १३७ रन बनाए ।

रोहित व्यक्तिगत ९० रनमा रहँदा रुबेल हुसेनले क्याच लिएका थिए । तर, अम्पायर अलिम दार र इयान गोल्डले नो बलको इशारा गरे ।

बंगलादेशका समस्र्थक स्टार ब्याट्सम्यान महमुदुल्लाहलाई आउट दिएकोमा पनि आक्रोसित थिए ।

0 comments

प्रतिक्रिया दिनुश

Facebook